Pidato bahasa aceh tajak beulot tapak taduk ube lot punggong

Assalamu'alaikum wr. Wb

 Alhamdulillah alhamdulillahirabbil a'lamin wasshalatu wassalamu a'la asyrafil ambiya iwalmursalin waa'la alihi washahbihi ajmai'n amma ba'du

Pujo lage nyanka keupo teuh Allah Ta'ala nyang po langet ka deungon bumo nyang po getanyoe mandum  seureuta nyang maha geumaseh diateuh keusalahan hamba yang maha peungampon diateuh seugala dausa di hamba

Hadirin kaum muslimin walmuslimat mndum mandum asoe syurga 

Syukoer that keupoe teuh Allah yang kaneubi keu sehatan dan kesempatan semoga geutanyo ka jeut takumpol bak teumpat yang mulia raya nyoe

Seulaweut keu junjungan nabi getanyo ikutan para manusia peunutop segala nabi boh hate aminah ananda dari pada Abdullah. Geunaseh poteuh Allah nabi junjungan alam Muhammad sayyidil mustafa. Rasulullah Muhammad SAW

Hormat ta'zem uloen tuan keupada gure geutanyoe seulaku pimpinan dayah nurun abadan al aziziah beuseurta keluarga

Dan ta'zem ulontuan keupada gure gure yang karela neukubah wate untuk neupeuruno kamoe hingga kabeuhe long deng dikeu lage nyo rupa 

Dan ta'zem uloen tuan keupada kaom muslimin dan muslimat yang geurahmati le Allah Ta'ala

Hana le loen peu panyang muqaddimah langsong geutanyo masuki dalam pidato dengan judul

Tajak beuloet tapak taduk beu lot punggoeng

Tajak beulot tapak taduk beu lot punggoeng, nyan nakeuh saboh nasehat dari indatu geutanyoe, yang makna jih, puyang geutanyoe ker jakan, pu manteng yang geuganyo pubut, bek sampe legetanyo meuganggu ureung laen. 

Yang maksudjih, legeutanyo tajaga tingkah laku geutanyo, tajaga lisan geutanyo, bek sampe hana tahormati ureuen yang leubeh  tuha dari geutanyoe

Hana tanyoe hargai, ureung yang lebeh muda deungoen geutanyoe. 

Dari nyan keuh jeut tacok kesimpulan sari haba indatu getanyoe karna na tertera didalam hadis nabi Muhammad SAW

الادب فوق العلم

Adap nyo leubeh manyang diateuh ilmee

Hana guna le that ilme, mnyoe le geutanyo tan na adab, karna adab nyan kedudukanjih,  leubeh tinggi dari pada ilme 

Saboh buktijih hadirin, takalon teuk keupada ureung yang na adab, pasti teupike lam beunak geutanyo, ureung nyan pasti le ilmee

Tapi seubalekjih, apabila ureung nyan le ilme, tapi adab meubacut tan na, pasti tapike le geutanyoe, ureung nyan hana ilme

Nyo meunan hadirin

Long yakin jawaban droe droeneh mandum pasti nyoe lage nyan

Pakon.... 

Karna tacok dari pada hadis sanyo, adabnyo leubeh manyang daripada ilme

Dalam hudep si uroe uroe, beuna le geutanyo tameuadab karna dengon adap tanyo mulia 

Neupateh.... 

Pasti neupateh

Karna sajih bila kita tahorhormati ureung laen maka ureung nyan pih akan geu hormati geutanyo

Bila geutanyo hana tahormati ureung laen maka ureung nyan pih han akan geuhormati geutanyo. 

Maka le geutanyo beu tapeumulia diri droeteuh deungon adab dan dengoen ilme karna sajih ilmee ngoen adapnyan brat than peunteng bagi geutanyoe

Dari sharahan yang kaleuh long sampaikan jeut tacok saboh kesimpulan nakeuh

Dari haba indatu geutanyoe 

Tajak beulot tapak,taduk beulot punggoeng, tajak beulaku linggang, tapinggang beulaku ija, tajak beulaku tuboeh, tapajoeh beulaku atra, mangat seunang nyan hudep digata. 

Kasep etno syarahan singgkat uloen tuan mnyo na salah tungku teugoer mangat sama sama tanyoe perbaiki, mungken jih shit etno ilmee yang long miliki. 

Lon akhi wabillahi taufik wal hidayah

Assalamu'alaikum wr. Wb